Ang Tourette Association of America, sa pakikipagtulungan sa U.S. Centers for Disease Control and Prevention (CDC), ay bumuo ng isang komprehensibong librarya ng mga pang-edukasyong madudulugan kaugnay sa Tourette Syndrome at iba pang mga Tic na Karamdaman. Ibinibigay ang mga madudulugang ito sa komunidad nang walang bayad at idinisenyo na tumulong sa mga bata, batang adulto, at kanilang mga pamilya. Nilikha rin ang mga madudulugan upang matulungan ang mga tagapagturo, tagapagpatupad ng batas, at tagapag-alaga sa pagbibigay ng suporta sa mga taong nabubuhay na may mga ganitong kondisyon. Mag-click sa ibaba upang masiyasat at mai-download ang mga materyales.